O colectivo «Lemos Le» conmemora o Día das Bibliotecas

O colectivo Lemos Le, que agrupa bibliotecas escolares, bibliotecas públicas municipais e a Asociación de Librarías da comarca de Lemos, organiza un xantar de confraternidade para celebrar o Día das Bibliotecas, que se conmemorou o 24 de outubro. A décima edición deste evento celebrarase o sábado 26 de outubro na Casa Rural A Salanova, en Salcedo, a partir das 14:30 horas.
Este xantar ten como obxectivo reunir a todos os sectores relacionados coa cultura, a lectura e a educación, reivindicando así a importancia das bibliotecas como centros de difusión cultural e formación de lectores. Os interesados en asistir poderán recoller a súa entrada nas Bibliotecas Públicas Municipais de A Pobra de Brollón, Bóveda, Pantón, O Saviñao e Sober, así como nas bibliotecas escolares do colectivo, ao prezo de 20 €.
Neste evento, que se enmarca na celebración do Día das Letras Galegas 2025, adicado ás cantareiras e á tradición oral, contarase coa colaboración do colectivo ERRE QUE ERRE. REGUEIFA RABUDA, que busca manter viva a tradición oral da regueifa e do brindo na Pobra do Brollón.•