O Concello da Pobra do Brollón conta dende esta semana cun novo vehículo de usos múltiples, destinado a mellorar a atención e os servizos nas zonas rurais. Esta adquisición foi posible grazas ao financiamento da área de Rural da Vicepresidencia da Deputación de Lugo, que achegou 90.000 euros.
Este vehículo estará ao servizo do persoal municipal, permitindo desprazamentos e realización de traballos relacionados con servizos básicos como as redes de abastecemento e saneamento, a recollida de lixo e residuos, así como o mantemento de vías e espazos públicos. Entre as súas características, inclúe un brazo elevador e unha cesta, que facilitarán tarefas en altura.
O alcalde Xose Lois Maceda e o vicepresidente Efrén Castro subliñaron a importancia de dotar ao persoal municipal dos medios necesarios para asegurar a eficacia no mantemento destes servizos, que son esenciais para a calidade de vida da veciñanza. Ademais, recordaron o esforzo orzamentario que isto supón para concellos como A Pobra do Brollón, que conta con 22 parroquias e 118 núcleos de poboación.•
Cargando ...
