O Concello de Pantón, a través da Concellaría de Cultura, organiza unha ampla gama de actividades para os meses de outubro e novembro, dirixidas á comunidade. Desde o inicio do mes, máis de 160 veciños participan en propostas de ximnasia de mantemento, aerobic e pilates, que se desenvolven en Ferreira e nas parroquias de Cangas, Xesteira, Espasantes, Acedre e Tuiriz.
Neste período, iniciáronse dous obradoiros na Casa da Cultura de Ferreira. O Obradoiro de Costura Creativa, que ten lugar todos os venres de 17:00 a 19:30 horas, e o Obradoiro de Scrapbooking, que se celebra os luns de 18:00 a 20:00 horas. Ademais, o 23 de outubro arrincou o Obradoiro de Técnicas de Traballo Intelectual, que adapta as súas actividades ás necesidades dos participantes, como indica o alcalde, José Luis Álvarez.
O 31 de outubro, a programación incluirá o Samaín Familiar, que contará cunha busca do tesouro na Praza do Concello. O 9 de novembro celebrarase o Magosto Popular, cunha actuación musical. En novembro, haberá tres citas teatrais gratuítas, comezando co grupo Viravent o 10, seguido do grupo do Hospital de Lugo o 17 e de Loia Producións o 24, todas ás 18:00 horas na Casa da Cultura. Por último, ata o 29 de novembro, poderá visitarse a exposición fotográfica “Ingredientes de cocktails” no segundo piso da Casa da Cultura.•
Cargando ...
