O X Concurso de Proxectos Empresariais Semente Ribeira Sacra xa ten finalistas

O Concurso de Proxectos Empresariais Semente Ribeira Sacra celebra esta semana unha década de iniciativas emprendedoras que, grazas ao apoio económico recibido, se materializaron en diversas propostas. O certame ten como obxectivo identificar e promover proxectos innovadores que contribúan ao desenvolvemento do medio rural, priorizando aqueles que se relacionan co territorio da Ribeira Sacra. Sen embargo, está aberto a calquera persoa que presente ideas empresariais relevantes.
Este 26 de outubro, a partir das 10:00 horas, terán lugar as presentacións dos 10 proxectos finalistas no Parador de Turismo de Monforte. Os finalistas son:
– ALGASLIME: Iniciativa que utiliza microalgas vivas solidificadas para optimizar a rega e a fertilización, mellorando así a eficiencia no uso da auga e nutrientes nos cultivos.
–TECNOALGAE: Proxecto que aposta pola revalorización das augas residuais a través do cultivo de microalgas, convertendo estas augas en bioestimulantes agrícolas.
–GEMMA & NAZA CHEESECAKES: Producción artesanal de tortas de queixo que destaca pola calidade dos ingredientes locais e o compromiso coa sostenibilidade.
–PIEL NATURA: Marca que ofrece cosmética sólida ecolóxica e aromaterapia, con produtos innovadores baseados en extractos de castiñeiro.
–ENZICAS: Proxecto que busca desenvolver un ingrediente natural para a maduración de queixos e embutidos, utilizando un fungo filamentoso a partir de castañas.
–VIÑALERT: Sistema de monitorización continua das vides, que permite obter datos en tempo real sobre as condicións das plantas e do solo.
–FUNGUSVID: Iniciativa que introduce micorrizas arbusculares nas vides, favorecendo a absorción de nutrientes e a saúde do solo.
–FICAR AQUÍ: Portal de emprego que busca conectar a oferta laboral coas necesidades do tecido empresarial rural galego.
–VANETTA FOOD: Startup centrada na creación de carne plant-based, que aspira a ofrecer alternativas sostibles no mercado alimentario.
–RESPIRO SOSTIBLE:
Para producir papel ecolóxico a partir de residuos de céspede, utilizando un modelo de economía circular.
O fallo do xurado será dado a coñecer o mesmo día da presentación, durante a cea de aniversario que terá lugar no Parador de Turismo de Monforte, onde se contará coa presenza de representantes da Consellería do Medio Rural e diversas institucións colaboradoras. Neste décimo aniversario, o concurso recibiron un total de 85 propostas, con ideas procedentes de toda Galicia León, Sevilla e de Portugal.•