
O Esmorga Fest, que se celebrará en Sarria esta fin de semana de outubro, vén de anunciar os detalles e horarios das súas actuacións. O evento, que conta co apoio continuado da Vicepresidencia da Deputación de Lugo, mantén o seu formato tradicional con concertos de pago na Sala Litmar e actuacións gratuítas na Unión.
Os concertos de pago terán lugar o venres 25 e o sábado 26, a partir das 20:00 horas, na Sala Litmar. Entre as bandas que actuarán destacan Atención Tsunami, Ghostwoman, Los Manises, Músculo!, Triángulo de Amor Bizarro, entre outros.
As actuacións gratuítas celebraranse o sábado 26, de 13:30 a 18:30 horas, na Unión, nunha xornada aberta a un público diverso e que busca involucrar á veciñanza de Sarria.•