Este martes, 12 de novembro, o programa “Acó, Aló e Acolá” gravouse en Chantada. Este novo espazo, conducido polos cómicos Manuel Manquiña e Víctor Fábregas, viaxa por 13 concellos galegos tratando temas de actualidade e interese a través do humor.
Na xornada de Chantada, os protagonistas abordaron o cambio climático e a viticultura rexenerativa. A gravación comezou ás 9:30h na Praza de Santa Ana, con varias actividades programadas. Ás 11:00h, no Bar Cantón, realizou unha tertulia aberta, na que participaron catro veciños. Ás 13:00h, os presentadores ofreceron un monólogo ao público sobre os temas tratados.
A tarde completouse cunha entrevista ao enxeñeiro medio ambiental Antonio Roade en Belesar e cunha actuación do grupo de gaitas da Escola de Música Tradicional na Casa da Música. O Concello de Chantada será o escenario do último episodio desta nova proposta de TVG.•
Cargando ...
