O Concello de Chantada, a través do CIM (Centro de Información á Muller), organiza unha serie de actividades con motivo do 25N, Día Internacional para a Eliminación da Violencia contra a Muller. O obxectivo é sensibilizar á cidadanía sobre as desigualdades de xénero, especialmente a violencia machista, e fomentar a educación como ferramenta para erradicarla.
A programación, presentada pola concelleira de Igualdade, Pamela Fernández, e a de Benestar e Servizos Sociais, María Cándida Carnero, inclúe un Curso de Defensa Persoal para Mulleres, con inscripciones abertas no CIM. Tamén se realizará un Escape Room contra a violencia de xénero para os estudantes dos IES Lama das Quendas e Val do Asma, que traballarán na identificación de sinais de control e manipulación nas relacións.
Ademais, os máis pequenos terán a oportunidade de participar en actividades coma un obradoiro de cómic e un espectáculo de narración oral con perspectiva de xénero. O acto central será a lectura do manifesto contra a violencia de xénero na Praza do Cantón, ás 12:00h do 25N. A programación complétase cunha campaña de sensibilización mediante o reparto de carteis e pancartas na vila, coa colaboración do comercio e a hostalaría local.•
Cargando ...
