O Concello de Bóveda vén de recibir unha axuda da Xunta para mellorar as instalacións do novo viveiro de empresas situado no polígono empresarial da localidade. A subvención, que ascende a 51.607 euros, financiará o 80% do custo das obras, mentres que o 20% restante será asumido polo propio Concello. O viveiro foi creado para fomentar a creación de novas empresas, ofrecendo espazos adaptados ás necesidades iniciais dos emprendedores.
Coa axuda, prevese mellorar a eficiencia enerxética do edificio, coa instalación dun illamento térmico no falso teito da zona administrativa. Tamén se mellorarán os servizos aos usuarios e dotarase o viveiro de sistemas de climatización enerxéticamente eficientes. Ademais, instalarase un novo sistema de proxector e pantalla eléctrica para optimizar o uso das instalacións. Segundo o alcalde, José Manuel Arias, estas melloras permitirán un funcionamento máis eficiente e un menor consumo enerxético.•
Cargando ...
