Chantada participa nun capítulo de “Morra o Conto” sobre as cancións máis emblemáticas de Galicia

O pasado 15 de novembro, o Ecohotel Nós en Silleda acolleu a gravación dun episodio do programa Morra o Conto, que pronto se emitirá na TVG. O programa presenta unha divertida competencia sobre elementos identitarios de Galicia, nesta ocasión, entre a Muiñeira de Chantada e a Rianxeira, que se disputan o título de canción máis representativa da comunidade. O Concello de Chantada organizou un autobús para trasladar a 30 integrantes da Agrupación Tradicional da Casa da Música, que interpretaron a Muiñeira de Chantada, peza central na historia da música galega. O alcalde Manuel Lorenzo Varela subliñou a importancia de difundir as tradicións locais a través de iniciativas como esta. A contenda entre as dúas pezas foi rebatida polos defensores de cada unha: mentres que os partidarios da Rianxeira destacan a súa letra, os de Chantada afirman que a Muiñeira, máis antiga, é a que tivo maior repercusión e adaptacións ao longo do tempo. No programa tamén se homenaxeou a Óscar Rodríguez, director da agrupación.•