O pasado martes 26 de novembro, o Concello da Pobra do Brollón celebrou un pleno extraordinario no que a nova concelleira Marián Martínez tomou posesión do seu cargo. Esta incorporación prodúcese tras a xubilación do ex-concelleiro Manuel González Moreira. Martínez, de 43 anos e administrativa de profesión, conta cunha ampla experiencia tanto no sector privado como no público, o que lle permite coñecer de primeira man o funcionamento das administracións.
A nova responsable das áreas de Educación e Cultura tamén destaca pola súa activa participación na vida comunitaria do municipio. Alumna da Escola Municipal de Música Samoeiro, seguidora do C.D. Brollón e implicada nas actividades culturais da Pobra, Martínez se compromete a traballar para mellorar a calidade de vida na vila. Durante a súa toma de posesión, agradeceu a confianza depositada en ela tanto polo equipo de goberno como pola veciñanza e subliñou a súa ilusión por asumir esta responsabilidade. O alcalde, Xosé Lois Maceda, destacou a importancia desta incorporación para a renovación da corporación municipal, resaltando que Marián Martínez representa unha nova xeración de persoas comprometidas co futuro do municipio.•
Cargando ...
