O pasado 25 de novembro, o Concello de Quiroga conmemorou o Día Internacional para a Eliminación da Violencia contra a Muller cun acto diante da casa consistorial. A concentración, organizada polo Centro de Información á Muller, contou coa participación do equipo de goberno e alumnado dos centros educativos locais, que levaron pancartas de denuncia contra a violencia machista. A concelleira Maite Pérez Grao leu un manifesto baixo o balcón municipal, onde se exhibiu unha pancarta alusiva. Destacou a urxencia de alzar a voz contra todas as formas de violencia cara ás mulleres, incluíndo a violencia dixital. O alumnado do CEIP de Quiroga participou con mensaxes a favor da igualdade e contra a inxustiza da violencia machista.•
Cargando ...
