O vindeiro 13 de decembro, de 16:00 a 20:00 horas, o IES Río Cabe, en colaboración coas ANPAS do IES Río Cabe e do IES A Pinguela, organiza un festival solidario no pavillón do centro. O evento busca recoller xoguetes para as persoas afectadas pola Dana en Valencia, especialmente nenos e nenas con dificultades para recibir agasallos este Nadal.
A xornada contará con actuacións musicais, recitais poéticos e obradoiros para todas as idades. As entradas consistirán na entrega dun xoguete novo ou en bo estado, e poderán adquirirse entre o 9 e o 12 de decembro no propio instituto ou o mesmo día do evento.
Cargando ...
