Ata o 31 de decembro permanece aberta na Casa da Cultura de Chantada a exposición dos traballos realizados no Programa de Pintura promovido pola Concellería de Servizos Sociais. Este programa inclúe dous cursos: pintura en óleo, que se imparte os mércores, e pintura en tela, que se desenvolve os venres, ambos en horario de 16:30h a 19:00h no Edificio Multiusos.
Un total de 60 persoas maiores de 65 anos e xubiladas participan nesta iniciativa, que se prolonga durante o curso escolar ata xuño. Na exposición poden admirarse paisaxes, figuras e motivos pintados en elementos como camisetas, colchas ou coxíns.
A maioría das participantes son mulleres que destacan os beneficios da actividade, como a mellora da autoestima e o fomento de relacións sociais. O alcalde, Manuel Lorenzo Varela, anima a visitar a mostra e lembra que as inscricións no programa están abertas en Servizos Sociais.
A exposición pode visitarse de luns a venres de 10:00h a 14:00h e de 16:00h a 20:00h, e os sábados de 10:00h a 14:00h.•
Cargando ...
