Os XII Cantos de Taberna da Pobra do Brollón, celebrados o pasado 6 de decembro, reuniron doce agrupacións musicais que percorreron os bares do concello. As actuacións tiveron lugar nos locais Avenida, Bar Pirata, Primeiro de Maio e Vella Taberna na vila, e tamén no Fogón de Cereixa e o Salanova en Salcedo.
A música prolongouse ata as once da noite, coa intención de fomentar o ambiente festivo nos establecementos. Entre os participantes destacou Son do Brollón, formación infantil da Escola de Música Samoeiro, xunto con Os Somontanos e Cantareiras de Fornelas.•
Cargando ...
