A Concellería de Igualdade de Chantada organiza unha ampla programación infantil para este Nadal, buscando facilitar a conciliación das familias durante as festas. Entre as principais propostas están os Campamentos de Nadal, que se realizarán no Pavillón Municipal do 23 de decembro ao 3 de xaneiro, en horario de 10:00h a 14:00h. Para quen precise, ofrecerase o Servizo de Madrugadores de 8:00h a 10:00h. Os días 25 de decembro e 1 de xaneiro non haberá actividade.
Na Casa da Cultura, os obradoiros creativos para maiores de 8 anos impartidos por Velaísca celebraranse os días 23, 27 e 30 de decembro e 2 de xaneiro, de 12:00h a 13:30h. Ademais, como novidade, este ano haberá obradoiros vespertinos para cativos de 5 a 7 anos os días 26 de decembro e 3 de xaneiro, de 17:00h a 18:30h. Para maiores de 7 anos, serán de 18:30h a 20:00h.
As inscricións, que deben realizarse na Casa da Cultura teñen prazas limitadas a 25 participantes nos obradoiros, cubríndose por orde de solicitude. Tamén haberá con actividades no Auditorio Municipal e na Biblioteca, que se desenvolverán entre o 20 de decembro e o 2 de xaneiro.
O día grande será o 5 de xaneiro coa Cabalgata de Reis, que comezará ás 18:30h. Ao rematle, as Súas Maxestades recibirán aos nenos no Auditorio, onde haberá unha chocolatada.•
Cargando ...
