O pasado mércores 18 de decembro presentouse na Pobra do Brollón o libro Diario de Lugo, 1936, que recolle a crónica xornalística de Xosé Ramón Fernández-Oxea sobre o primeiro mes do golpe de estado. A presentación tivo lugar na Casa da Cultura ‘Olga Novo’, a cargo de Xoán Ramiro Cuba e Brais García Fernández, membros do equipo de investigación.
Este texto inédito foi publicado en novembro pola Vicepresidencia da Deputación de Lugo. A obra narra os sucesos daquel xullo de 1936 con lucidez, a través das vivencias do propio Ben-Cho-Shey, inspector de primeira ensinanza en Lugo e responsable do Partido Galeguista, durante aqueles días de gran tensión e perigo.•
Cargando ...
