A Asociación Cultural Segredos de Pantón organiza, por sexto ano consecutivo, o certame fotográfico Nadal 2024, convidando a todos os apaixonados pola fotografía a capturar as paisaxes outonais e invernais do concello.
O concurso está aberto a calquera persoa que queira participar, incluíndo menores de idade, sempre que presenten a autorización dos seus titores legais. Cada concursante poderá enviar unha única imaxe en cor, que deberá ser orixinal e non premiada en outros certames. Non se admitirán fotografías manipuladas ou montaxes.
As fotos, que deberán reflexar paisaxes de Pantón, deberán ser enviadas antes do 31 de decembro de 2024 a través de correo electrónico ou WhatsApp, detallando o nome da fotografía e a súa localización.
O xurado estará composto pola cidadanía, que votará a través dunha plataforma en liña. Os tres primeiros premiados recibirán fantásticos agasallos, entre eles estancias en aloxamentos locais, actividades de lecer, viños e produtos típicos da Ribeira Sacra.
O certame finaliza coa votación o 6 de xaneiro de 2025. A Asociación Cultural Segredos de Pantón anima á participación, que reforza a relación entre a cultura local e os habitantes de Pantón.•
Cargando ...
