O pasado venres 3 de decembro, a Casa da Cultura de Chantada foi o escenario da inauguración de “Mesturas”, a exposición do pintor de Bueu Manuel Cerviño. O artista tamén aproveitou para presentar o seu libro Tú, mi gran obra, nun acto no que estivo acompañado polo poeta local Paco Ledo.
A mostra reúne óleos sobre lenzo que abordan paisaxes, fauna e figuras humanas, destacando o estilo realista dun creador que combina o seu talento artístico coa súa profesión no Pazo de Lourizán. Poderase visitar ata finais de xaneiro, de luns a sábado, en horario de mañá e tarde.
Cargando ...
