O vindeiro 9 de febreiro, Sarria será escenario da primeira edición da Carreira 10 km, un evento que contará co patrocinio da Vicepresidencia da Deputación de Lugo e co apoio do Concello de Sarria. A presentación tivo lugar este martes, con Efrén Castro, vicepresidente da Deputación de Lugo, destacando a importancia de situar á vila no circuíto de grandes probas populares de Galicia.
A carreira, organizada polo Club Running Sarria CCNorte, contará cun percorrido urbano de 10 km, que se caracteriza por ser prácticamente plano e cunha temperatura agradable, factores que permitirán aos participantes mellorar as súas marcas persoais. Ademais, haberá modalidades de 5 km e distancias para categorías menores. Tamén se celebrarán dúas actividades non competitivas: unha andaina de 5 km para todas as idades e unha carreira de pitufos de 200 m.
Toda a información da carreira e as inscricións está nas páxinas web www.ccnorte.com e www.sarria10kosmaisrapidos.ccnorte.com.•
Cargando ...
