O Diario Oficial de Galicia publicou a orde que agrupa máis de 40,7 millóns de euros en axudas dirixidas ao colectivo de traballadores autónomos. Con esta medida, a Xunta busca axilizar a tramitación e resolución das solicitudes, ademais de avanzar na simplificación administrativa. A previsión é que se beneficien arredor de 8.700 profesionais, tanto os que inicien a súa actividade como aqueles que xa a desenvolven.
A convocatoria inclúye cinco programas diferenciados, abarcando desde o apoio ao inicio da actividade ata a consolidación e mantemento dos negocios. Entre eles, atópanse o programa de promoción do emprego autónomo, a denominada «cota cero», o Bono Autónomo, o Bono Remuda e os apoios á conciliación e á Nova Oportunidade.
O programa de promoción do emprego autónomo dispón de 28,9 millóns de euros e estrutúrase en dúuas liñas: unha para impulsar o inicio da actividade e outra para garantir a cota cero durante os primeiros 12 meses. Pola súa parte, o Bono Autónomo, que busca mellorar a competitividade dos negocios, conta cunha dotación de 8 millóns de euros, incorporando como novidade a ampliación do período de gastos subvencionables ao último trimestre do ano anterior ao de solicitude da axuda.
O Bono Nova Oportunidade, dotado con 1,5 millóns de euros, está dirixido a aqueles autónomos que desexen emprender de novo tras cesar a súa actividade. No caso do Bono Remuda, que supera os 1,2 millóns de euros, engádense novidades para facilitar a transmisión de negocios rendibles, incluíndo axudas tanto para quen asume a empresa como para quen a traspasa por xubilación. Os importes das axudas serán de 6.000 euros en concellos con menos de 10.000 habitantes (Bono Remuda Rural) e de 3.000 euros nos de maior poboación (Bono Remuda Xeral).
Tamén se inclúen axudas para a conciliación, cun orzamento de 1 millón de euros, e tres liñas de apoio á contratación de persoas desempregadas para cubrir baixas por maternidade ou paternidade, risco durante o embarazo ou lactancia, e para o coidado de menores, maiores ou dependentes. Ademais, habilítase unha terceira liña para financiar servizos de coidado das persoas ao cargo do profesional autónomo. O prazo de presentación de solicitudes para esta orde única permanecerá aberto do 24 de xaneiro ao 30 de setembro de 2025.
Por outra banda, a Xunta dispón de 1,35 millóns de euros para fomentar a contratación indefinida, co obxectivo de beneficiar a case 140 persoas desempregadas. Para apoiar a contratación do primeiro, segundo e terceiro traballador, creáronse dúuas liñas compatibles entre si: o bono de contratación e o bono de formación. As contías base das axudas poderán incrementarse nun 15%, acumulables entre si, se a persoa contratada é muller nunha profesión con baixa representación feminina, maior de 45 anos ou se o centro de traballo está nunha zona rural. O prazo para estas axudas será do 24 de xaneiro ao 30 de setembro.
Ademais destas medidas, a conselleira de Economía e Industria, María Jesús Lorenzana, valorou positivamente que a Xunta convocará a maior parte das axudas do Instituto Galego de Promoción Económica (Igape) para pemes e autónomos nunha sola orde, sumando un total de 172,6 millóns de euros. Estas axudas, según a conselleira, permitirán que os beneficiarios coñezan con antelación os apoios dispoñibles e planifiquen as súa necesidades financeiras.
As axudas do Igape divídense en tres bloques principais: financiamento (110 M€), competitividade (47,3 M€) e innovación (15,2 M€). Dentro das axudas financeiras destacan as de acceso ao crédito (19 M€), préstamos directos (50 M€), préstamos para grandes empresas (37 M€) e a reestruturación de débedas con Igape (4 M€). En competitividade, resalta a atracción de empresas (12 M€), os apoios a startups (1,5 M€) e a transformación dixital (3 M€), entre outros programas. En innovación, haberá novas iniciativas como o Ticket Innova (1 M€) e o programa IA360 para implantación da Intelixencia Artificial nas pemes (10,2 M€).
O financiamento destas axudas prové de fondos propios da Xunta (83,5 M€), ademais de achegas do FEDER, do Mecanismo de Recuperación e Resiliencia (MRR) e do Fondo de Transición Xusta.
A conselleira destacou que esta planificación se enmarca na estratexia de simplificación administrativa e axiliza o acceso dos autónomos e pemes aos recursos dispoñibles.•
Cargando ...
