Este xoves o Edificio Multiusos de Monforte acolleu a representación de As gardiás, un drama social da compañía Ningures Produción. A posta en escena, dirixida por Cristina Domínguez, contou coas interpretacións de Casilda Alfaro, Melania Cruz, Amparo Martínez, Rebeca Montero e Sonia Rúa.
A obra, que aborda o dereito das persoas maiores a decidir sobre a súa vida e envellecemento, presentou o conflito entre Rosa, unha muller maior que vive con catro compañeiras, e a súa filla Vitoria, que quere trasladala a unha institución médica. A loita entre as dúas visións do ben envellecer serviu para reflexionar sobre a independencia das persoas maiores e a súa capacidade para tomar decisións sobre a súa vida.
A representación recibiu unha boa acollida entre o público, que gozou dunha obra conmovedora e crítica coa visión tradicional sobre o envellecemento.
O ciclo de teatro para adultos do Concello de Monforte continuará coa representación de Neura o xoves 13 de febreiro, tamén ás 20:15 horas no Edificio Multiusos.•
Cargando ...
