O Consello Regulador da Denominación de Orixe Ribeira Sacra quixo aclarar, ante as especulacións sobre a posible instalación dunha bodega no polígono industrial de Monforte de Lemos, que a información urbanística vixente establece que este polígono non pode acoller unha instalación para a elaboración de viño amparado pola D.O. Ribeira Sacra.
A través do Decreto 168/2024, publicado no Diario Oficial de Galicia, resolvéronse as discrepancias entre os municipios de Monforte de Lemos e Sober sobre o deslindamento das súas zonas, confirmando que o polígono industrial de Monforte se atopa íntegramente no termo municipal de Monforte de Lemos.
Sen embargo, o Pliego de Condicións do Consello Regulador especifica que as parroquias de Monforte de Lemos non se atopan na lista das zonas autorizadas para a elaboración, almacenaxe ou embotellado de viño da D.O. Ribeira Sacra.
A parroquia de Piñeira, na que se sitúa o polígono, tampouco está incluída en ningunha das categorías autorizadas para esta actividade.
Por tanto, o Consello Regulador reitera que o polígono industrial de Monforte de Lemos non é un lugar adecuado para albergar unha bodega amparada pola D.O. Ribeira Sacra, conforme ás normativas e directrices vixentes.•
Cargando ...
