Os deputados do Grupo Provincial Popular defenderon no pleno da Deputación a cesión da Casona ao Concello do Incio para poder desenvolver un proxecto que beneficie á veciñanza. A iniciativa xorde tras a petición formulada polo pleno municipal do Incio o pasado 30 de decembro, onde se solicitou ademais unha axuda de 250.000 euros para acometer a recuperación do inmoble.
O voceiro provincial popular, Antonio Ameijide, e o alcalde de O Incio, o deputado popular Héctor Corujo, visitaron recentemente o edificio para comprobar o seu estado, constatando o seu abandono e os danos estruturais. Corujo lembrou que desde 2021 a Deputación tan só apuntalou a estrutura, sen avanzar na rehabilitación comprometida.
O alcalde inciense reiterou a súa disposición a negociar, condicionando o acordo á execución de obras urxentes para evitar un maior deterioro do inmoble.•
Cargando ...
