O IES Lama das Quendas de Chantada alberga a mostra “Galegoza«. A canción en galego”, impulsada pola Vicepresidencia da Deputación de Lugo. A exposición ten como obxectivo dar a coñecer ao público máis novo a rica oferta musical en galego, desde os anos 60 ata a actualidade. A deputada de Cultura, Iria Castro, participou na inauguración e destacou a diversidade de estilos, que inclúen desde ritmos tradicionais actualizados até pop, rock, hip hop e electrónica.
O comisario da mostra, Pepe Cunha, explicou os contidos ao alumnado de 4º de ESO, facendo un percorrido histórico polos principais grupos e solistas que marcaron a evolución da música en galego. Castro animou aos estudantes a escoitar as listas de reprodución acompañantes, que amosan a versatilidade do galego na música.
A mostra Estará en Chantada ata o 6 de febreiro.•
Cargando ...
