O director da Axencia Galega da Calidade Alimentaria, Martín Alemparte, estivo presente nun novo encontro xunto co presidente da DO Ribeira Sacra, Antonio Lombardía, e representantes da Asociación Agraria de Galicia e Unións Agrarias
O director da Axencia Galega da Calidade Alimentaria, Martín Alemparte, participou nunha nova reunión da mesa de traballo do viño da Ribeira Sacra, na que tamén estivo presente o presidente do Consello Regulador desta denominación de orixe, Antonio Lombardía, xunto con representantes da Asociación Agraria de Galicia e de Unións Agrarias. Este encontro, celebrado na sede do Consello Regulador en Monforte, tivo como obxectivo poñer en común os principais puntos que se tratarán nas vindeiras semanas a prol do sector.
Durante a reunión, avaliouse a situación actual da denominación de orixe Ribeira Sacra, centrando a atención nas áreas de viticultura, control de produción, formación, comunicación e promoción. A mesa de traballo acordou continuar cun tratamento individual de cada un destes aspectos nas próximas xuntanzas periódicas, co fin de adoptar as primeiras decisións que melloren a competitividade e sostibilidade do sector.
Ademais, a reunión tamén foi unha oportunidade para revisar as medidas adoptadas polo Goberno galego o pasado ano, como a destilación de crise, os préstamos vendima, os ecorrexímenes, a poda en verde e as axudas para a conservación do paisaxe nos viñedos, coas que se busca favorecer a recuperación da contorna natural. Na súa vertente de promoción, a Axencia Galega da Calidade Alimentaria estará presente na próxima feira Madrid Fusión, na que o viño tinto galego, especialmente o da denominación de orixe da Ribeira Sacra, terá un papel destacado. Unha cata de viños, dirixida polo Master of Wine Fernando Zamora, e a participación en diferentes eventos gastronómicos serán algúns dos principais reclamos para dar a coñecer os viños galegos.•
Cargando ...
