A Xunta, en colaboración cos consellos reguladores das cinco denominacións de orixe vitivinícolas galegas, preparará unha acción extraordinaria de promocion no Parlamento Europeo. A iniciativa, se prevé para a vindeira primavera. A conselleira do Medio Rural, María José Gómez, e o director da Axencia Galega da Calidade Alimentaria, Martín Alemparte, reuníronse en San Caetano con representantes dos consellos reguladores para concretar os detalles da xornada divulgativa. Durante o evento en Bruxelas, os presidentes das cinco DO exporán a situación actual do sector, abordando aspectos como a súa historia, identidade e principais retos ambientais, burocráticos e comerciais.
A xornada completarase cunha degustación de viños e outros produtos galegos de calidade diferenciada. A organización prevé convidar a representantes do sector vitivinícola e agrícola europeo, entre eles asociacións, empresas, funcionarios europeos, asesores, sindicatos e eurodeputados de distintos partidos e países.
Esta acción reforzarase con campañas de comunicación para aumentar a visibilidade dos viños galegos en redes sociais, medios de comunicación e na propia sede da Eurocámara.•
Cargando ...
