A formación, organizada por Acción Contra el Hambre, combina clases presenciais e online e está dirixida a persoas desempregadas das comarcas de Lemos e Chantada
Acción Contra el Hambre pon en marcha un Curso Básico en Prevención de Riscos Laborais na Construción (PRL) para mellorar a empregabilidade nas comarcas de Lemos e Chantada. A formación é gratuíta, está certificada e homologada para traballar no sector da construción.
O curso ten unha duración total de 60 horas, das cales 20 serán presenciais na Escola Oficial de Idiomas de Monforte e 40 realizaranse en liña. As clases presenciais desenvolveranse os martes 11, 18 e 25 de marzo, e o 1 de abril, en horario de 09:05 a 14:00 horas. O primeiro día incluirá a presentación do profesorado e unha explicación do funcionamento da plataforma online. As 40 horas online serán en formato asíncrono, con tutorías e seguimento por parte da empresa formadora, debendo completarse antes do 1 de abril.
As prazas son limitadas e o prazo máximo de inscrición é o 27 de febreiro. Para participar, é necesario estar desempregado, ter o Darde actualizado e darse de alta no programa de Comunidades de Emprego e Emprendemento de Acción Contra el Hambre. A inscrición pode realizarse na web: https://forms.office.com/e/Yvmvqbnz9r.•
Cargando ...
