A undécima edición do Quiroga Trail Challenge rematou con gran éxito cunha masiva participación de máis de 1250 corredores que percorreron os sendeiros do Xeoparque Montañas do Courel. O evento, que se consolidou como un referente no calendario deportivo da comarca, deu comezo co Trail do Castelo, que levou aos participantes a través de paisaxes de gran beleza, como o Pico Pía Páxaro, a fervenza de Vieiros ou as aldeas de A Seara, Parada Seca e Rugando. O clima favoreceu unha xornada ideal para o trail.
Na Ultra 83k, o vencedor foi David Álvarez Lorenzo, que rematou a proba cun tempo de 10 horas, 19 minutos e 28 segundos. Rubén Diéguez e José Manuel Gil completaron o podio masculino, mentres que na categoría feminina, Vanessa Pérez Castelao logrou o primeiro posto, seguida de Anabel Ruíz Gutiérrez e Ana M.ª Martínez Fernández.
Na Ultra 53k, os vencedores foron Fidel Fernández Varela, José Santiago Villar e David Porto Pérez. Na categoría feminina, o podio foi para Angels Llobera, Patricia Noya e Belén Rodríguez. Na Maratón, os vencedores foron Santiago Mezquita e Carolina Niño. No Trail, o primeiro posto foi para Jaime Romo e Alina Cimpean.
A modalidade de Minitrail tivo como vencedores a Eloy Martínez Faro e María Platero Prado. Na andaina de 17 km, os primeiros postos foron para Daniel Aipuru e María Díaz Prieto. A novidade desta edición, as «carreiriñas» de 10 km, tiveron a súa vitoria en Álvaro Soto Des e Saleta Pérez Fernández.
O domingo celebrouse o Trail do Lor, cun percorrido máis esixente, no que Javier Janeiro, Sebastían Reboreda e Iván Revoredo subiron ao podio masculino, mentres que Alina Cimpean, Sonia Méndez e Cristina Rodríguez fixeron o propio na clasificación feminina.
A entrega de premios foi realizada polo alcalde de Quiroga, José Luis Rivera, e o alcalde de Ribas de Sil, Roberto Castro. Tanto o alcalde como o concelleiro de deportes, Antonio Marcos, e os directores da proba, Blas Rodríguez e José Manuel Barreiro, expresaron o seu agradecemento a todos os participantes e colaboradores, destacando o espírito do Quiroga Trail Challenge. •
Cargando ...
