As ferramentas dixitais permiten acceder a información turística actualizada e planificar visitas á comunidade de xeito áxil e personalizado
O uso de tecnoloxías dixitais converteuse nunha ferramenta clave para os viaxeiros que buscan información e organizan os seus percorridos. Turismo de Galicia desenvolveu varias aplicacións móbiles que permiten acceder a recursos turísticos de xeito rápido e sinxelo, facilitando unha experiencia de viaxe adaptada a cada usuario.
A aplicación principalproporciona información detallada sobre puntos de interese cun sistema de xeolocalización que axuda a descubrir lugares próximos. Tamén recolle datos sobre aloxamentos, gastronomía, festas, museos e patrimonio cultural. Permite consultar servizos esenciais como previsións meteorolóxicas e información sobre o transporte público dispoñible en cada zona.
Ademais desta ferramenta xeral, Turismo de Galicia ofrece apps especializadas para distintos tipos de turismo. Enoturismo en Galicia recolle información sobre as rutas do viño, adegas e eventos vitivinícolas. Galicia Birding facilita mapas interactivos e datos sobre a avifauna galega. Sendegal recompila as rutas de sendeirismo homologadas, con información topográfica, perfís altimétricos e puntos de interese. Galicia Termal inclúe datos sobre balnearios, talasos e centros de spa da comunidade.
Outra das aplicacións dispoñibles é Parques de Galicia, que facilita a organización de visitas a espazos naturais protexidos, con roteiros sendeiristas, información sobre flora e fauna e normas de uso. A aplicación da Euro-rexíon promove a colaboración turística con o Norte de Portugal, cunha oferta centrada en roteiros transfronteirizos, eventos culturais e gastronomía.
Para os peregrinos, a aplicación do Camiño de Santiago en Galicia permite planificar as etapas, consultar información sobre os itinerarios e realizar anotacións persoais sobre o percorrido.
A oferta complétase con ferramentas de servizo que melloran a experiencia de quen visita Galicia. A aplicación do Transporte Público de Galicia ofrece información sobre liñas dispoñibles, horarios e paradas de autobuses e trens. Meteogalicia facilita previsións meteorolóxicas actualizadas, alertas e datos en tempo real para garantir unha viaxe segura. Ademais, a Axenda Cultural de Galicia recolle a programación de eventos musicais, teatrais, artísticos e doutras manifestacións culturais que permiten aos visitantes planificar a súa estancia en función da oferta dispoñible.
Todas estas aplicacións poden descargarse a través da web oficial de Turismo de Galicia, •
Cargando ...
