A Consellería de Vivenda e Planificación de Infraestruturas da Xunta de Galicia recibiu tres ofertas para a execución dunha glorieta na estrada LU-903, no concello de Sober, cun investimento de case 368.000€. O proxecto, que conta cun prazo de execución de seis meses, ten como principal obxectivo, mellorar a seguridade e a fluidez do tráfico na intersección entre a estrada autonómicaLU-903 e a estrada provincial LU-P-5903, á altura do punto quilómetro 12+780, na localidade de Doade. A intervención tamén contribuirá a reducir a velocidade dos vehículos na zona.
A glorieta terá un diámetro de 28 metros e permitirá regular de forma máis funcional e segura a circulación na contorna. A obra incluirá, ademais, a continuación das beirarrúas existentes cara á marxe dereita da estrada autonómica e cara á vía provincial. Nos tramos onde non se habilite beirarrúa, instalaranse gabias de seguridade con ancho variable entre 1 e 1,5 metros.
Outras melloras do proxecto incluirán a instalación de sistemas de drenaxe, a colocación de 14 luminarias LED para mellorar a visibilidade e a sinalización tanto vertical como horizontal da glorieta, así como a instalación dunha barreira de seguridade para reforzar a protección dos usuarios da vía. A Xunta prevé ter executadas as obras este mesmo ano, e ter avanzado o acto expropiatorio de levantamento de actas previas e fixada a formalización para o vindeiro 23 de marzo.•
Cargando ...
