O Concello da Pobra do Brollón mantén aberto o proceso de adxudicación de tres vivendas sociais situadas no edificio das antigas vivendas dos Mestres, ao carón do colexio. As persoas interesadas poden presentar a solicitude ata o 16 de marzo no departamento de Servizos Sociais, na Casa da Cultura ‘Olga Novo’, en horario de 09:00 a 11:00 horas.
Os requisitos inclúen ter ingresos inferiores a 2,5 veces o IPREM, non posuír outra vivenda en propiedade salvo excepcións, estar ao corrente das obrigas tributarias e levar un mínimo de tres anos empadroado no municipio. Ademais, por tratarse dun complexo integrado nunha área educativa, requírese un certificado do Ministerio de Xustiza que acredite a carencia de delitos de natureza sexual.
A información completa está dispoñible no BOP e na Sede Electrónica do Concello.•
Cargando ...
