A Casa da Cultura de Pantón acollerá os días 12 e 26 de marzo un curso de formación en novas tecnoloxías dirixidos a maiores de 55 anos. Trátase dunha iniciativa do programa Expertclick, promovido pola Fundación Cibervoluntarios e a Fundación AEB.
O curso terá unha duración de catro horas, repartidas en dúas sesións. O obxectivo é axudar ás persoas maiores a mellorar a súa independencia dixital, aprendendo a manexar Internet con seguridade, utilizar aplicacións de comunicación por videoconferencia, realizar trámites bancarios ou administrativos e facer compras en liña. Tamén se abordarán ferramentas de lecer dixital e uso de dispositivos móbiles.
Búscase facilitar a integración tecnolóxica dos maiores, que adquiran habilidades para comunicarse, realizar xestións e aproveitar as vantaxes que ofrece a tecnoloxía na súa vida cotiá.•
Cargando ...
