O Concello de Pantón porá o broche final ao Entroido na Ribeira Sacra co tradicional Desfile Concurso de Disfraces e Carrozas, que se celebrará o sábado 8 de marzo. O evento comezará ás 16:00 horas cun percorrido polas rúa de Ferreira e rematará na Praza do Concello, onde haberá unha chocolatada e baile para os participantes.
Os interesados en participar poden inscribirse ata o 7 de marzo ás 11:30 horas no Departamento de Cultura de Pantón, situado no segundo andar do Edificio Sociocultural. O horario de atención é de luns a venres de 10:00 a 20:00 horas e os sábados de 10:00 a 13:00 horas.
O concurso contempla diversas categorías con premios en metadeiras de 300, 200 e 150 euros para grupos de 10 ou máis adultos, e de 180, 160 e 150 euros para comparsas infantís. Para os grupos de entre 5 e 9 integrantes, os premios serán de 150, 125 e 100 euros en adultos e de 100, 75 e 50 euros en infantís. Tamén haberá recoñecementos para individuais e parellas de ata 4 compoñentes, con importes de 100, 75 e 50 euros para adultos e de 50, 40 e 20 euros para infantís. Ademais, todas as comparsas con carroza recibirán 50 euros de axuda, e as de máis de 10 compoñentes contarán con 80 euros adicionais, non acumulables ao premio.
O xurado estará composto por cinco representantes elixidos por sorteo entre as comparsas de maior tamaño, ademais dunha persoa externa que exercerá o voto de calidade en caso de empate. Os criterios de avaliación incluirán o vestiario e maquillaxe, a elaboración do disfrace, a posta en escena e a música. En caso de consideralo necesario, o xurado poderá deixar deserto algún premio ou conceder accésits.
Os premios daranse a coñecer ao remate do desfile e serán ingresados nas contas bancarias correspondentes aos gañadores. Con esta celebración, Pantón reafirma o seu papel como o derradeiro gran escenario do Entroido na Ribeira Sacra.•
Cargando ...
