O CEIP Rosalía de Castro de Bóveda acolleu unha xornada medioambiental coa visita de seis axentes da Comarca de Lemos. A actividade iniciouse cunha saída ao río Mao, onde o alumnado de Infantil e Primaria participou na solta de 900 troitas para a súa repoboación.
De volta ao centro, os nenos e nenas descubriron os vehículos empregados polos axentes, incluída unha barca. Xa na biblioteca, asistiron a unha charla sobre reciclaxe, xestión de residuos e conservación da natureza. O alcalde, José Manuel Arias, sumouse á visita e agradeceu á dirección do colexio a organización da xornada.•
Cargando ...
