O delegado territorial de Lugo, Javier Arias, mantivo unha xuntanza de traballo co secretario da agrupación de empresas Ribeira Sacra Next, Severino Rodríguez, para avaliar vías de cooperación no marco do plan estratéxico da entidade, presentado en febreiro. Arias valorou positivamente a iniciativa, que nace do tecido produtivo local, e subliñou que ambos comparten o obxectivo de incentivar o desenvolvemento económico e demográfico da Ribeira Sacra. O delegado instou a manter aberto o diálogo entre as partes para optimizar os recursos que ofrece a Xunta, como subvencións e programas de asesoramento e acompañamento ao emprendemento e á expansión empresarial. Neste contexto, lembrou que o Instituto Galego de Promoción Económica (IGAPE) vén de activar axudas por un importe de 172 millóns de euros.•
Cargando ...
