Trémola Teatro presentou un espectáculo sobre mulleres pioneiras na carreira espacial con motivo do Día Internacional da Muller
O Concello de Bóveda organizou o espectáculo ‘Directas ao espazo’, achegado ao alumnado do CEIP Rosalía de Castro e ás persoas con diversidade funcional na residencia Domus Vi. A obra, realizada por Trémola Teatro, fixo un percorrido pola historia das mulleres pioneiras na carreira espacial, inspirada na figura de Sara García, primeira muller astronauta española adestrada pola ESA. Esta actividade, financiada polo Pacto de Estado Contra a Violencia de Xénero, foi unha das actividades organizadas polo concello en conmemoración do Día Internacional da Muller.•
Cargando ...
