A XLIII Feira do Viño de Quiroga contará co exxogador internacional de baloncesto Fernando Romay como pregoeiro. O deportista, que destacou no Real Madrid entre 1976 e 1993, acadou numerosos títulos, incluíndo sete Ligas ACB, cinco Copas do Rei e dúas Copas de Europa. Foi parte fundamental da selección española que logrou a medalla de prata nos Xogos Olímpicos de Los Ángeles 1984.
Fernando Romay posúe o récord de partidos con 100 % de acerto en tiros na ACB. Nos últimos anos colaborou en programas de televisión e apoia diversas organizacións. Será o encargado de dar inicio á tradicional festa do viño en Quiroga, que se celebrará os días 19 e 20 de abril.•
Cargando ...
