Os Cantos de Taberna regresan o sábado 15 de marzo cun total de nove grupos inscritos e nove establecementos participantes. As actuacións comezarán ás 18:30 horas e percorrerán distintos locais antes da gran foliada final na praza da rúa Lago.
Os grupos participantes nesta edición chegan desde diversos puntos e inclúen Son do Mao, Nubeiro Son Galego, Son Outeiro, Os Tarabelos, Macizas Centrais Trives, Os Parrandas, O Recanto, Os Ministreles e De Aquí e Daló. Pola súa banda, os establecementos que acollerán as actuacións serán Adega de María, As Palmeras, O Portón, O Quiper, A Botica, Chapakuña, A Matrioska, Ruxe-Ruxe e o bar Lago.
Cada grupo disporá de aproximadamente media hora para interpretar un repertorio de libre elección, con especial protagonismo para a música popular e tradicional. Ademais, a organización entregará unha axuda económica a cada formación para consumir nos locais participantes, que, á súa vez, ofrecerán tapas e pinchos aos músicos.•
Cargando ...
