A conselleira de Vivenda e Planificación de Infraestruturas, María M. Allegue, visitou en Pantón un inmoble rehabilitado coas axudas destinadas á recuperación de edificacións municipais. Durante a súa visita, fixo entrega dunha destas vivendas a unha veciña que a desfrutará en réxime de alugueiro.
Este programa non só permite crear novos fogares de vivenda pública, senón que tamén favorece o asentamento poboacional en concellos de menos de 30.000 habitantes. A nova convocatoria manterase aberta ata o 3 de xuño ou ata esgotar o crédito dispoñible.
As axudas cobren ata o 95 % do custo das obras, cun máximo de 50.000 euros por vivenda, ampliables a 55.000 se están na Ribeira Sacra ou nos Camiños de Santiago, e ata 57.000 se se atopan nunha área Rexurbe. O pasado ano rehabilitáronse 27 vivendas públicas para alugueiro e espérase incrementar esta cifra en 2025.•
Cargando ...
