Pantón celebrou o seu tradicional Desfile de Comparsas e Disfraces, que puxo fin ao Entroido na Ribeira Sacra. A pesar da chuvia, máis de 30 agrupacións desfilaron polas rúas de Ferreira, encabezadas pola charanga Tambukda Lugo. O Entroido de Budián, en proceso de recuperación, tamén participou, xunto con comparsas de Sober, Rodeiro, Monforte de Lemos, A Pobra do Brollón, Ourense, Sarria e Ribas de Sil.
Os asistentes recibiron chocolate quente e agasallos. O xurado premiou as mellores propostas en distintas categorías, destacando “Pide o teu desexo en Sober” e “Tic Tac” como gañadoras absolutas. Todas as comparsas con carroza recibiron 50€ como axuda e as de máis de 10 compoñentes recibiron 80€ non acumulables aos premios. •
Cargando ...
