O Pleno da Deputación de Lugo aprobou este martes unha proposta impulsada polo Grupo Provincial Socialista para demandar á Xunta de Galicia a posta en marcha dun Plan Integral de dotación e recuperación de servizos para o Hospital de Monforte. A iniciativa contou co respaldo do BNG e o rexeitamento do Partido Popular. A proposta busca poñer fin á situación de precariedade deste centro sanitario, que atende a máis de 42.000 persoas na Ribeira Sacra.
A voceira do Goberno provincial, Pilar García Porto, denunciou a carencia de profesionais en especialidades clave como Hematoloxía, Pediatría ou Radioloxía, así como a falta de cobertura de baixas e vacacións. Tamén sinalou a avaría do mamógrafo desde xuño de 2024, obrigando ás pacientes a desprazarse ao HULA. A Deputación reclama a reparación do equipo, a cobertura de prazas vacantes e investimentos reais que garantan unha atención sanitaria digna na comarca.•
Cargando ...
