O Centro do Viño acolleu unha palestra organizada por Mar de Lumes e A.C. A Xacia, na que o activista e exportavoz da Fronte Popular pola Liberación de Palestina, unha organización laica e marxista-leninista que é parte da OLP, Fayez Badawi compartiu o seu testemuño sobre a loita do pobo palestino.
Badawi denunciou a opresión e violencia que sofre Palestina, destacando a complicidade das potencias occidentais na perpetuación do conflito. A súa intervención puxo en valor a importancia da solidariedade internacional para visibilizar a inxustiza e apoiar a resistencia do pobo palestino.
Ao final do acto, tivo lugar un coloquio aberto no que o público puido profundizar na situación actual e reflexionar sobre o papel da sociedade na loita polos dereitos do pobo palestino.•
Cargando ...
