O Presidente da Deputación de Lugo, José Tomé, participou na VI Conferencia de Presidentes de Deputacións, Provincias, Cabildos e Consellos Insulares, celebrada en Palma de Mallorca, onde expuxo o modelo de turismo responsable que impulsa a institución provincial. Durante a mesa de debate «Retos do Turismo Responsable», destacou a aposta por un turismo de experiencias que fomenta o emprego, dinamiza o rural e respecta o medio ambiente.
«O noso modelo busca desestacionalizar a oferta turística, creando oportunidades en todo o territorio», afirmou Tomé, poñendo como exemplo a campaña sobre os camiños da auga presentada en Fitur. O mandatario subliñou a importancia de diversificar os destinos para evitar masificacións e crear alternativas atractivas durante todo o ano. A conferencia serviu para coordinar políticas de turismo sostible a nivel estatal.•
Cargando ...
