O Concello mellora o acceso a Salcedo e o PP pide mellorar a planificación das obras para evitar molestias aos veciños

O alcalde da Pobra do Brollón, Xosé Lois Maceda, supervisou esta semana as obras que se están a realizar no acceso ao núcleo de Salcedo para resolver o problema das fochancas na estrada. As actuacións están financiadas polo Plan Deputación de Cooperación cos Concellos 2024. Pola súa parte, o voceiro do PP na Pobra do Brollón, Teddy López, demandou ao Concello que, cando se realicen obras nas estradas municipais, se avise aos veciños con suficiente antelación. Esta petición xurdiu despois de que moitos veciños sufriran inconvenientes debido ao corte da estrada sen alternativas de acceso, o que dificultou a súa mobilidade e a recepción de mercadorías. “Todos entendemos que as obras provocan molestias, pero estas poden minimizarse advertindo dos traballos con antelación e indicando as rutas alternativas”, sinalour Teddy López.•