Durante os días 18, 19 e 20 de marzo, o IES Daviña Rey acolleu a súa primeira Feira de Formación Profesional, un evento que contou coa participación dos departamentos de Automoción, Electrónica, Electricidade, Sanitaria e Servizos á Comunidade. A feira consistiu en diferentes obradoiros prácticos para mostrar os coñecementos adquiridos polos estudantes ao longo do curso.
O evento recibiu a visita de numerosos centros educativos, como o IES Quiroga, o CEIP Agándara ou o CEIP de Bóveda, que puideron coñecer de primeira man a oferta educativa da FP. Alumnos e profesores explicaron os ciclos formativos ofrecidos no centro e realizaron diversas actividades prácticas, como simulacións de reanimación cardiopulmonar, traballos no taller de Automoción ou simulacións tecnolóxicas aplicadas á ciberseguridade.
A iniciativa foi ben acollida tanto polos estudantes como polo profesorado, que destacan a súa motivación e o impacto positivo na súa formación.•
Cargando ...
