O certame, promovido polo Concello de Sarria e a Agrupación Cultural Ergueitos, premiará a obra gañadora con 6.000 euros e a súa publicación
O Concello de Sarria, en colaboración coa Agrupación Cultural Ergueitos, convoca a vixésimo quinta edición do Premio de Poesía Fiz Vergara Vilariño, un certame de referencia na literatura galega. O concurso busca recoñecer obras orixinais e inéditas en galego, cunha extensión mínima de 500 versos.
Os traballos deberán presentarse en papel, en catro copias e con plica pechada, enviándose ao Concello de Sarria antes do 9 de maio de 2025. O gañador recibirá 6.000 euros e verá publicada a súa obra en Editorial Espiral Maior. O fallo do xurado farase público antes do 28 de novembro. O Premio de Poesía Fiz Vergara Vilariño, instituído no ano 2000 en honra ao poeta de Samos, consolidouse como un dos máis prestixiosos en lingua galega, mantendo viva a memoria do autor.•
Cargando ...
