O Concello de Sober aprobou no Pleno de febreiro por unanimidade nomear a rúa do colexio, ata agora sen nome, como Rúa Maruja Mallo, en recoñecemento ás súas raíces no municipio, concretamente na parroquia de San Martiño de Anllo. A homenaxe coincide co 30 aniversario do falecemento da pintora, que se cumpriu o pasado 6 de febreiro.
O acto conmemorativo enmarcouse no Mes do Amandi e contou cunha charla no salón de actos do colexio, onde o profesor Emilio Xosé Insua repasou a vida e obra de Mallo, mentres que o xornalista Ángel Arnaiz falou das súas orixes familiares. Ao remate, alumnas, alumnos e o alcalde de Sober, Luis Fernández Guitián, descubriron a placa da rúa en honra á pintora. Maruja Mallo, nacida en Viveiro, é recoñecida internacionalmente pola súa obra. •
Cargando ...
