A XLIII Feira do Viño de Quiroga, que se celebrará entre o 18 e o 20 de abril, xa deu comezo con varias actividades previas, como o concurso do cartel anunciador e o certame Val de Quiroga de Tapas. O desfile da Confraría do Viño terá lugar o sábado 12 de abril, como antesala ao evento principal.
O recinto feiral abrirá as súas portas ás 21h do 18 de abril, onde os asistentes poderán degustar viños brancos e tintos de 13 adegas participantes. O programa arrancará coas catas de espumosos, que se realizarán en dúas quendas na praza da rúa Lago, ás 12:30h e ás 17:30h. Ás 19:30h, rendirase homenaxe aos precursores da Feira do Viño de Quiroga cunha exposición gráfica das primeiras edicións do evento na Casa da Cultura. Ás 21h abriranse as casetas das adegas participantes, e a música local, coa actuación de Mario Colomán & The Clocks Band e a disco móbil Eme.Music, porá fin á xornada.
O sábado, o Certame Celtibérico de Bandas de Gaitas «Memorial Muíño» comezará ás 11:30h co desfile polas rúas de Quiroga, seguido pola actuación das bandas na praza de España. Pola tarde, o ex xogador de baloncesto Fernando Romay será o encargado de dar o pregón da feira, que se presentará ás 20:30h polo xornalista local Carlos Julio González. Ao finalizar, realizarase a entrega de premios aos gañadores do concurso do cartel, o certame Val de Quiroga de Tapas e o concurso da camiseta da feira.
O domingo, a música de gaitas do grupo local O Recanto e da Banda de Música de Antas de Ulla animarán o recinto.•
Cargando ...
