O Concello de Chantada, a través da Concellería de Parques e Xardíns, levouse a cabo esta semana importantes traballos de conservación ambiental, coincidindo co Día Internacional dos Bosques e o Día Internacional da Auga. A brigada de parques e xardíns procedeu á corta de árbores secas ou afectadas por enfermidades, para reducir os riscos durante os temporais. Estes labores contaron coas licenzas pertinentes da Confederación Hidrográfica do Miño-Sil e da Xunta de Galicia.
Ao tempo que se retiraron as árbores deterioradas, tamén se realizaron novas plantacións con case 200 exemplares. A actuación contou coa participación do alumnado de 1º de ESO do IES Lama das Quendas, que se encargou de plantar tilos, faias, amieiros e outras especies autóctonas no paseo fluvial e nas marxes do río Asma. O alcalde, Manuel Lorenzo Varela, destacou que estas iniciativas axudan a conservar os espazos naturais da vila e melloran a calidade ambiental da contorna.•
Cargando ...
