Segundo os datos recollidos polo Consorcio de Turismo Ribeira Sacra, o sector dá por salvada a Semana Santa de 2025, a pesar das fortes precipitacións, neve e descenso de temperaturas que marcaron as datas festivas. O balance das ocupacións rexistradas foi positivo, aínda que se produciu unha leve caída nas porcentaxes respecto ao ano anterior.
Nos días centrais da festividade (do 17 ao 21 de abril), a ocupación media foi do 82%, similar ás previsións e só lixeiramente inferior ao 87% de 2024. Aloxamentos como hoteis de 3 e 4 estrelas alcanzaron o 83% de ocupación, e o turismo rural, cun 86%, mantivo tamén cifras destacadas. Pola súa parte, as vivendas turísticas presentaron unha ocupación do 80%, un 13% inferior ao ano anterior, aínda que a previsión inicial tamén se cumpriu.
Nos días previos á Semana Santa (do 11 ao 16 de abril), a ocupación foi do 70,5%, mellorando as cifras do 67,5% do ano pasado. A pesar das cancelacións puntuais, moitos establecementos cubriron as prazas vacantes con reservas de última hora, adaptándose ás inclemencias do tempo. O sector amosa a súa satisfacción polo comportamento do público, que respondeu de forma positiva á situación meteorolóxica e alcanzou números semellantes aos de 2024.•
Cargando ...
